Xaiv koj hom lus: Lus As Kiv | Lus Mev | Lus Soomaali | Lus Hmoob
Txais nyiaj ua se rov qab kom thwj toob!
Saib meej kom koj cov ntawv ua se muaj daim ntawv M1ED thiab daim ntawv M1REF ua ntej koj xa rau Tsoom Fwv!
Kawm kom paub tias koj yuav tsum ua se li cas
Cov nqe tseem ceeb koj yuav tau ua thaum koj ua se
Yog lwm tus ua koj cov se rau koj:
Muab cov lus qhia no thiab tag nrho cov ntawv xim xiav teev tseg tias koj cov me nyuam tau koom cov khoos kas twg nrog peb thiab raug nyiaj li cas (receipts) uas peb xa rau koj hauv lub hnab ntawv xim ntsuab (los sis peb email tuaj rau koj thaum lub ib hli ntuj pib) rau tus neeg uas pab koj ua koj cov se.
Ua ntej koj yuav xa koj cov se rau Minnesota, koj yuav tsum paub meej tias koj cov se muaj daim ntawv M1ED thiab daim ntawv M1REF. Yog tias koj cov se tsis muaj ob daim ntawv no, nug tus neeg pab koj ua se seb koj puas muaj cai txais qhov K-12 Education Tax Credit, los sis kev pab txiav cov nyiaj se raug them rov qab rau Tsoom Fwv vim muaj me nyuam kawm ntawv.
Yog koj tus kheej ua koj cov se:
Ua zoo nyeem cov ntawv qhia ntawm no (Cov ntawv qhia no muaj nyob rau daim ntawv xim paj yeeb peb xa rau koj hauv lub hnab ntawv xim ntsuab).
Thaum koj ua koj cov se hauv Minnesota, nco ntsoov xyuas seb koj puas muaj cai txais tau qhov K-12 Education Tax Credit no.
Yog hais tias koj muaj cai txais tau qhov kev pab txiav nyiaj them rov qab rau Tsoom Fwv no, siv cov ntawv xim xiav teev tseg tias koj cov me nyuam tau koom cov khoos kas twg nrog peb thiab rau nyiaj li cas (receipts) nyob hauv lub hnab ntawv xim ntsuab peb xa tuaj rau koj koj thiaj yuav tau txais qhov K-12 Education Tax Credit.
Ua ntej koj xa koj cov se, koj yuav tsum saib meej tias koj cov se muaj daim ntawv M1ED thiab daim ntawv M1REF. Yog tias koj cov se tsis muaj ob daim ntawv no, ntsuam xyuas seb koj puas muaj cai txais qhov K-12 Education Tax Credit, xws li koj puas muaj me nyuam kawm ntawv. Tej zaum koj yuav tsum nrhiav kev pab los ntawm ib tug neeg ua hauj lwm ua lwm tus cov se.
Nrhiav kev pab ua se pub dawb ntawm koj cheeb tsam
Minnesota lub khoos haum tuav nyiaj (Minnesota Department of Revenue) qhov website muaj ntau tshaj 200 qhov chaw uas pab koj ua se dawb nyob thoob Minnesota!
Yog koj nyob hauv nroog loj Minneapolis-St. Paul, Prepare+Prosper muaj kev pab cuam ua se dawb.
Thov kom koj paub tias MAA tsis lav tias cov website pab ua se dawb no yuav pab tau koj ua se kom yog, kom tiav, kom ntseeg siab, kom tsim nyog, thiab kom zoo. Txoj kev siv cov kev pab ua se dawb no yog kev pheej hmoo los ntawm koj tus kheej.
Lus Nug
MAA qhia thiab muab tswv yim txog kev ua se tsis tau rau koj, tab sis yog koj muaj lus nug txog cov ntaub ntawv peb xa rau koj los sis yuav nrhiav kev pab ua se li cas, ces tiv tauj peb tau ntawm:
Lisa Lennex-Sagbo
MAA Community Navigator